Тошкент давлат аграр университетида «Ёшларнинг ҳуқуқ ва эркинликларини муҳофаза қилиш кафолатлари» мавзусида «Омбудсман мактаби» учрашуви бўлиб ўтди
2025-10-02 11:00:00 / Янгиликлар
Учрашувни Университет биринчи проректори Ж.О.Лапасов кириш сўзи билан очиб берди. Учрашувда Ўзбекистон Республикаси Олий Мажлисининг Инсон ҳуқуқлари бўйича вакилининг (омбудсманнинг) ўринбосари, юридик фанлари доктори Нариманов Бекзод Абдувалиэвич, Ўзбекистон Республикаси Олий Мажлиси Сенатининг Аграр, сув хўжалиги масалалари ва экология қўмитаси раисининг ўринбосари Абдикаримова Сайёра Сапаевна, Ўзбекистон Республикаси Олий Мажлиси Сенати ҳузуридаги Ёшлар парламенти раиси Асланова Лайло Олимовна, Ўзбекистон Республикаси Ички ишлар вазирлигининг Ҳуқуқбузарликлар профилактикаси хизмати бошлиғининг ўринбосари, подполковник Гиясова Нилуфар Шасаитовналар ва иштирок этишди.
Ёшларга оид давлат сиёсати — бу давлатнинг ёш авлод олдидаги ижтимоий мажбуриятларини ифодалайдиган муҳим стратегик йўналишдир. Ўзбекистон бу борада аниқ қонунчилик асосларига, мустаҳкам институционал тузилмаларга ва амалий дастурларга эга.
Энг муҳими, давлат ёшларга ишонмоқда ва уларни жамият ҳаётининг барча жабҳаларига жалб этишга интилмоқда. Келажакда ҳам бу сиёсатни изчил, самарали ва тизимли амалга ошириш орқали билимли, ватанпарвар, ташаббускор ва фаол ёшлар авлодини шакллантиришга эришилади.
Тошкент давлат аграр университети