Бухоро вилояти ИИБда аҳоли мурожаатларини ўрганиш мақсадида навбатдаги қабул бўлиб ўтди
2025-09-29 10:25:00 / Янгиликлар
Фуқароларнинг ҳуқуқ ва манфаатларини ҳимоя қилиш, уларни қийнаётган муаммоларни ўрганиб, жойида амалий ечим топиш мақсадида, Бухоро вилояти Ички ишлар бошқармаси раҳбарияти томонидан шахсий ҳамда сайёр қабуллар мунтазам ўтказиб келинмоқда.
Жумладан, 28 сентябрь куни Бухоро вилояти ИИБ бошлиғи томонидан бошқарма маъмурий биносида шахсий қабул ўтказилди.
Қабул давомида, фуқароларнинг ҳуқуқий, ижтимоий ва ички ишлар органлари фаолиятига доир йигирмадан ортиқ масалалари юзасидан талаб ва таклифлари, ариза ва шикоятлари ўрганилди.
Мулоқот давомида, кўтарилган муаммоларни айримлари ҳал этилган бўлса, ўрганиш учун вақт талаб этиладиган мурожаатлар алоҳида назоратга олиниб, масъулларга ҳал этиш топшириғи берилди ҳамда уларнинг ижроси назоратга олинди.
Мазкур қабуллар аҳоли билан очиқ мулоқотни таъминлаш, жамиятда ҳуқуқий адолатни қарор топтириш ҳамда муаммоларни ижобий ҳал этишда муҳим аҳамият касб этмоқда.
Бухоро вилояти ИИБ Ахборот хизмати