ИИВ Қоровул қўшинлари қўмондонлигига қарашли Навоий, Бухоро ва Қашқадарё вилоятларида жойлашган ҳарбий қисмларда «Энг яхши маънавий-маърифий ишлар тарғиботчиси» кўрик танлови ўтказилди
2025-09-28 12:25:00 / Янгиликлар
Мазкур кўрик-танлов, Ўзбекистон Республикаси Президентининг 2023 йил 20 январь кунидаги ПҚ-10-сон қарори ва Ички ишлар вазирининг 2023 йил 11 март кунидаги 121-сон буйруғи ижроси юзасидан, ҳамда Қоровул қўшинлари қўмондонлиги, ҳарбий қисмлар ва бўлинмаларидаги маънавий-маърифий ишлар самарадорлигини ошириш, шахсий таркиб орасида китобхонликни кенг тарғиб қилиш, ёш авлодни ватанпарварлик, миллий ва умуминсоний қадриятларга ҳурмат руҳида тарбиялаш ҳамда қўшин сафида маънавий-маърифий ишлар йўналишида фаолият юритаётган энг яхши ҳарбий хизматчиларни аниқлаш мақсадида ташкил этилди.
Навоий, Зарафшон, Бухоро ва Қарши шаҳридаги қўшинга қарашли 7532, 7551, 7536 ва 7533-ҳарбий қисмларда ташкиллаштирилган — ушбу танловлар адолатли ва шаффоф тарзда ташкил этилиб, унда ҳарбий қисмлар тарбиявий ва мафкуравий ишлар бўлимлари ҳарбий хизматчилари ўзаро беллашдилар.
Танлов давомида иштирокчилар қуйидаги шартларга кўра :
-хизмат фаолиятини баҳолашга қаратилган мезонлар бўйича;
-билим даражасини аниқлашга қаратилган тест;
-оғзаки савол жавоб;
-бадиий адабиётлар мазмунини сўзлаб бериш;
-жисмоний ва жанговар тайёргарлик даражасини аниқлаш, ҳамда якка тартибдаги суҳбат каби шартлар бўйича синовларни топширдилар.
Танловнинг якуний натижаларга бўйича совриндор бўлган барча ҳарбий хизматчилар қўшин қўмондонлиги томонидан диплом ва қимматбаҳо эсдалик совғалари билан тақдирландилар.
ИИВ Қоровул қўшинлари қўмондонлиги Ахборот гуруҳи