Ички ишлар вазирлиги раҳбарияти “Долзарб 20 кун” тезкор профилактик тадбирлари доирасида Навоий вилояти транспортда хавфсизликни таъминлаш бошқармаси ходимларига бир қатор устувор вазифалар белгиланди
2025-09-25 10:00:00 / Янгиликлар
Ички ишлар вазири ўринбосари генерал-майор Баходир Юлдашевич Мирзарахимов Навоий вилояти транспортда хавфсизликни таъминлаш бошқармаси ходимларининг хизмат фаолияти яқиндан кўздан кечирилиб, ходимларига транспорт объектларида бахтсиз ҳодисаларнинг барвақт олдини олиш, хусусан вокзал ишчилари, йўловчи фуқаролар ўртасида ҳуқуқбузарлик ва жиноятларнинг олдини олиш ва уларнинг профилактикаси, жамоат тартибини сақлаш, фуқаролар ҳушёрлиги ва огоҳлигини ошириш ҳамда ходимлар ўртасида ижро интизоми, қонунчилик талабларига қатъий риоя қилишлари, ходимларнинг хизмат фаолияти устидан кунлик назоратни кучайтириш, коррупцияга йўл қўймаслик бўйича масъул ходимларга кўрсатмалар берилди.
Шунингдек, вазир ўринбосари томонидан Навоий вилояти ҳудудларида йўловчи поездлар орқали мамлакатимизга ташриф буюраётган олий мартабали меҳмонлар ҳамда чет эл турист фуқароларининг сайёҳлик намойиши объектлари ҳудудларига элтувчи поездларда жамоат тартибини сақлаш, ҳуқуқбузарликларни барвақт олдини олиш ва сайёҳларнинг мамнун кайфияти, юзага келган муаммоларда бошқарма ходимларининг тезкорлик билан ҳал этилиши борасида бир қатор кўрсатмалар берилди.