Гулистон давлат университетида «Раҳбар ва ёшлар» форматидаги учрашув бўлиб ўтди
2025-09-23 11:15:00 / Янгиликлар
Гулистон Давлат университетида Сирдарё вилояти прокурори Савид Иматов ва вилоят Ички ишлар бошқармаси бошлиғи полковник Фарух Хайдаровларнинг ёш талабалар билан учрашуви бўлиб ўтди.
Мулоқот аввалида Гулистон Давлат университети ректори, техника фанлари доктори, профессор Мухсин Ходжиев кириш нутқи билан мазкур учрашувдан кўзланган мақсад юзасидан талабаларга тушунтириш берди.
Ташкил этилган мулоқотда университет фаол талабалари,ёшлар иттифоқи координаторлари ва «Қалқон» жамоатчилик гуруҳи аъзолари раҳбарларга ўз таклиф ва ташаббусларини билдирди.
Хусусан ёшлар таълим, соғлиқни сақлаш, тадбиркорлик, иқтисодиёт йўналишидаги қатор инновацион ғояларини, старт-туп лойиҳаларини ҳаётга татбиқ этишда амалий кўмак сўрашди ҳамда ўзларининг таклиф ва ташаббуслари билан юзланишди.
Учрашув давомида илгари сурилган лойиҳалар раҳбарлар томонидан катта қизиқиш билан қарши олинди. Ёшларнинг ҳар бир таклиф ва ташаббусларини қўллаб-қувватлаш юзасидан аниқ вазифалар белгилаб олинди.
Сирдарё вилояти ИИБ Ахборот хизмати