Ўзбекистон Республикаси Ички ишлар вазирлиги

Андижон вилояти ИИБ бошлиғи полковник Санжар Джабаров томонидан Андижон шаҳридаги ўрганиш ишлари Навбаҳор маҳалласидаги “NAVRUZ MALL” савдо мажмуасида кўп сонли фуқаролар хавфсизлигини таъминлаш борасида амалга оширилаётган ишлар билан танишишдан бошланди.

Савдо мажмуасида хавфсизликни таъминлашга жалб этилган ходимлар билан суҳбат олиб борилиб, жиноят ва ҳуқуқбузарликларни олдини олишга қаратилган профилактик ишларни кучайтириш бўйича топшириқлар берилди.

Кейинги манзил Мустақиллик маҳалласида жойлашган “Болалар истироҳат боғи“ бўлди. Бу жойда ҳам жамоат тартибини сақлаш ва фуқаролар хавфсизлигини таъминлаш бўйича ходимларга қўшимча чора-тадбирлар белгиланди.

Ўрикзор маҳалласида жойлашган “Эко-парк“да фуқаролар хавфсизлигини таъминлаш учун жалб қилинган ходимларга ҳам тегишли топшириқлар берилиб, хизматни виждонан ташкил этиш бўйича топшириқлар берилди.

Нодирабегим маҳалласидаги савдо дўконлари эгалари билан суҳбатлашилиб, маҳаллани рақамлаштириш аҳволи ўрганилди ҳамда “ижтимоий профилактик“ тадбирларни манзилли ўтказиш бўйича топшириқлар берилди.

Соғлом авлод маҳалласида ҳам хавфсиз муҳитни таъминлаш борасидаги ишлар аҳволи ўрганилиб, маҳалла ҳудудида жойлашган “ИССИҚЛИК ТАЪМИНОТИ“ МЧЖ масъуллари билан суҳбатлашилди. Куз-қиш мавсумига тайёргарлик ишлар аҳволи ўрганилиб, масъулларга тегишли тавсиялар берилди.

Шунингдек, ушбу маҳалладаги 13-мактаб ҳудудининг тунги вақтда хавфсизлигини таъминлаш билан боғлиқ фаолияти, куз-қиш мавсумига тайёргарлик ишлари ўрганилиб, ўқувчилар ўртасида ҳуқуқбузарликларнинг барвақт олдини олиш юзасидан кўрсатмалар етказилди.

Бундан ташқари, Андижон шаҳрида хизмат олиб бораётган қўриқлаш хизматининг тунги фаолияти, хабар бўйича куч-воситаларнинг белгиланган вақтда етиб келиши ўрганилди ҳамда қўшимча объект ва хонадонларни қўриқловга олиш бўйича масъул раҳбарларга топшириқлар берилди.

Андижон вилояти ИИБ Ахборот хизмати