Халқаро ҳамкорлик алоқалари мустаҳкамланмоқда
2025-09-20 20:25:00 / Янгиликлар
Жорий йил 16-18 сентябрь кунлари Ички ишлар вазирининг биринчи ўринбосари, полковник А.Рахматуллаев бошчилигидаги делегация Хитой Халқ Республикасининг Ляньюньган шаҳрида бўлиб ўтган “Глобал жамоат хавфсизлигини биргаликда шакллантириш: турли таҳдидларга қарши биргаликда курашиш” мавзусидаги глобал ҳамкорлик форумида иштирок этди.
Ушбу тадбирга дунёнинг 120 дан ортиқ мамлакат ва халқаро ташкилотдан вакиллар ташриф буюрди. Форумда иштирокчилар хавфсизликнинг асосий таҳдидлари: трансчегаравий жиноятчиликка, гиёҳванд моддаларнинг ноқонуний айланиши, одам савдоси, контрабанда, кибержиноятчилик ва терроризмни молиялаштиришга қарши курашиш масалаларини муҳокама қилдилар.
Шу билан бирга, ташриф давомида делегация аъзолари “Дунёда трансмиллий ва трансчегаравий уюшган жиноятчилик билан боғлиқ вазият, уларга қарши курашиш бўйича кўрилаётган чора-тадбирларнинг натижадорлиги” мавзусидаги кичик форумда ва “Жамоат хавфсизлиги технологиялари ва жиҳозлари” кўргазмасида иштирок этдилар.