Наманганда «Хавфсиз ҳудуд — долзарб 10 кунлиги» доирасида тунги хизмат ўрганилди
2025-09-20 11:50:00 / Янгиликлар
Наманган вилоятида «Хавфсиз ҳудуд — долзарб 10 кунлиги» профилактик тадбирлари доирасида жиноятчилик ва ҳуқуқбузарликларнинг олдини олиш, маҳаллаларда хавфсиз муҳитни яратиш ҳамда фуқаролар осойишталигини таъминлаш мақсадида ички ишлар органлари ходимлари куну тун хизмат олиб бормоқда.
ИИВ ва вилоят ИИБ раҳбарияти томонидан Наманган шаҳар, Янги Наманган ва Давлатобод туманларида тунги хизматга жалб этилган ходимларга йўриқнома ўтказилиб, хизмат интизомига қатъий риоя этиш, қонунийлик, масъулият ва ҳушёрликни кучайтириш, фуқаролар билан мулоқотда хушмуомалалик ва одоб-ахлоқ қоидаларига амал қилиш бўйича топшириқлар берилди.
Шу билан бирга, Наманган шаҳар ва Янги Наманган туманларида тунги хизмат фаолияти ўрганилди. Хусусан, «Ҳуқуқ-тартибот масканлари», истироҳат боғи, «Чорсу» бозори ҳамда талабалар ётоқхоналарида хавфсизлик чоралари текширилди. Жамоат ва йўл ҳаракати хавфсизлигини таъминлаш юзасидан ҳам ходимларга аниқ кўрсатмалар берилди.
Наманган вилояти ИИБ Ахборот хизмати