Фарғона вилоятида «Хавфсиз шаҳар» тизимлари ягона аппарат-дастурий платформасидан фойдаланиш бўйича ўқув-амалий семинар ўтказилди
2025-09-19 20:00:00 / Янгиликлар
Фарғона вилоятида ягона аппарат-дастурий платформа ишга туширилган бўлиб, мазкур платформа барча видеокузатув тизимларини ягона марказда бошқариш имконини беради. Эндиликда вилоятдаги кўчалар, майдонлар, ижтимоий объектлар ҳамда муҳим ҳудудларда ўрнатилган кузатув камералари орқали келаётган барча маълумотлар Тезкор бошқарув марказига узатилмоқда.
Шу муносабат билан, «Хавфсиз шаҳар» маркази мутахассислари Фарғона вилояти Ички ишлар бошқармаси масъул ходимларига махсус ўқув машғулотлари ўтказдилар. Семинар давомида тизимдан самарали фойдаланиш, тезкор бошқарув, маълумотларни қайта ишлаш ва интеграция жараёнлари юзасидан батафсил кўрсатмалар берилди.
Ташкил этилаётган ушбу ўқув семинаридан кўзланган мақсад – ягона аппарат-дастурий платформа бўйича Ички ишлар органлари ходимлари салоҳиятини янада ошириш ва хавфсиз муҳитни таъминлаш ҳисобланади.