Бухоро вилояти ИИБ раҳбарияти томонидан Бухоро шаҳридаги тунги хизмат фаолияти ва ижтимоий соҳа объектлари ҳолати ўрганилди
2025-09-18 09:00:00 / Янгиликлар
Дастлаб жиноятчилик хавфи юқори бўлган «Садриддин Айний» маҳалласига ташриф буюрилиб, бу ерда хавфсиз муҳитни таъминлаш мақсадида, «маҳалла еттилиги» ва жамоатчилик вакиллари билан ҳамкорликда ташкил этилган тунги хизмат фаолияти ўрганилди.
Хизматга жалб қилинган ходимлар билан суҳбат ўтказилиб, жамоат тартибини сақлаш, фуқаролар хавфсизлигини таъминлаш ҳамда жиноят ва ҳуқуқбузарликларнинг олдини олиш бўйича кўрсатмалар берилди.
Айниқса, маҳалла ҳудудидаги аҳоли гавжум жойлар – истироҳат боғлари, умумий овқатланиш шохобчалари ва турли кўнгилочар масканларда тартибни кучайтириш топшириғи берилди.
Шундан сўнг, Бухоро шаҳар ИИО ФМБ бошқармаси 3-сон ИИБ фаолияти ўрганилди.
Бошқарма бошлиғи томонидан кузатув ва назорат ишларини кучайтириш, кўпқаватли уйлар атрофларида ёритиш тизимларини яхшилаш, қўриқлаш воситалари билан таъминлаш ва профилактика ишларини янада самарали ташкил этиш бўйича аниқ топшириқлар берилди.
Ҳудуд бўйлаб пиёда хизмат олиб борадиган тунги хизмат фаолияти ҳам қадамма-қадам юрган ҳолда жойида ўрганилди.
Навбатдаги манзил – Бухоро шаҳридаги 21-мактаб бўлиб, унда тунги хавфсизликни таъминлаш ва куз-қиш мавсумига тайёргарлик ишлари ўрганилди.
Мактабнинг қўриқлов пультига уланганлиги текширилиб, ўқувчилар ўртасида ҳуқуқбузарликларнинг олдини олиш юзасидан кўрсатмалар берилди.
Сўнгра «Шодлик» маҳалласини рақамлаштириш жараёни ва мулкка қарши жиноятларнинг олдини олиш бўйича амалга оширилаётган ишлар ўрганилди.
Маҳаллада ўғриликларнинг олдини олиш мақсадида, ташкил этилган велотураргоҳлар фаолияти кўздан кечирилиб, шундай иншоотларни бошқа маҳаллаларда ҳам барпо этиш бўйича масъулларга топшириқ берилди.
Шунингдек, жамоат жойларида хавфсизликни таъминлаш, аҳоли билан бевосита мулоқотни кучайтириш ва профилактика инспекторлари фаолиятини янада фаоллаштириш бўйича вазифалар белгиланди.
Назорат жараёнида видеокузатув воситалари ҳамда дрон ёрдамида ҳаво кузатувини ташкил этиш масалаларига алоҳида эътибор қаратилди.
Бундан ташқари, фуқароларнинг мурожаат ва таклифларини ўрганиш, уларнинг хавфсизликка оид долзарб муаммоларини жойида ҳал қилишга қаратилган чора-тадбирлар ҳам белгилаб берилди.
Бухоро вилояти ИИБ Ахборот хизмати