Сурхондарё вилояти Термиз туманида жиноят ва ҳуқуқбузарликларни барвақт олдини олиш ҳамда маҳаллаларда криминоген вазиятни яхшилаш борасидаги ишлар ўрганилди
2025-09-14 10:25:00 / Янгиликлар
Бугун Сурхондарё вилояти ИИБ бошлиғи полковник Тимур Исмаилов криминоген вазияти оғир бўлган Термиз туманидаги «Айритом» ҳамда «Истиқлол» маҳаллаларига ташрифи давомида, амалга оширилган ишларни кўздан кечириб, маҳалла еттилиги аъзолари иштирокида учрашув ўтказди.
Учрашув давомида, маҳалла ҳудудида жиноят ва ҳуқуқбузарликлар содир этилишига йўл қўймаслик, маҳаллани хавфсиз ҳудудга айлантириш, йўл ҳаракати хавфсизлигини таъминлаш, аҳоли кўп тўпланадиган жойларни камералаштириш, ишсизлар сонини камайтириш, фуқароларнинг кибержиноятлар қурбони бўлиб қолишининг олдини олиш, тиббиёт ходимлари билан ҳамкорликда руҳий касаллар билан ишлаш борасида ишлаб чиқилган йўл харитаси ижроси ўрганилди.
Шунингдек, жамоат тартибини мустаҳкамлаш, фуқароларнинг хавфсизлигини таъминлаш ва жиноят ва ҳуқуқбузарликларни барвақт олдини олишга алоҳида урғу берилди. Вилоят ИИБ бошлиғи ушбу йўналишларда олиб борилаётган чора-тадбирларни янада кучайтириш зарурлигини таъкидлади.
Шу билан бирга Президентимизнинг 2025 йил 3 январдаги ПҚ-1-сонли қарори ижроси, ижтимоий профилактика ҳамда маҳалла еттилиги ҳамкорлигида амалга оширилаётган ишлар ҳам ўрганилиб, бу борада йўл қўйилган камчиликларни бартараф этиш юзасидан тегишли тавсия ва кўрсатмалар берилди.
Учрашув давомида, туман ҳамда вилоят ИИБдан бириктирилган масъулларга маҳаллаларда фуқаролар хавфсиз яшашлари учун барча чора-тадбирларни амалга ошириш лозимлиги айтилиб, маҳалла ҳудудини хавфсиз масканга айлантириш бўйича масъулларга тегишли топшириқ ва кўрсатмалар берди.
Шундан сўнг, бошқарма бошлиғининг ўрганиш манзили Термиз тумани Ички ишлар бўлими Жамоат хавфсизлиги хизмати Йўл ҳаракати хавфсизлиги гуруҳи биноси бўлиб, у ерда бино ва ҳудуднинг тозалиги, фуқаролар учун яратилган шарт-шароитлар, тегишли иш ҳужжатлари кўздан кечирилиб, туман ИИБ ЖХХ Йўл ҳаракати хавфсизлиги гуруҳи катта инспекторининг туман ҳудудида йўл транспорт ҳодисаларининг олдини олиш юзасидан тақдимоти тингланди.
Бошқарма бошлиғи томонидан аниқланган камчилликларни зудлик билан бартараф этиш юзасидан туман ИИБ масъулларига тегишли топшириқ ва кўрсатмалар берилди.
Сурхондарё вилояти ИИБ Ахборот хизмати