Ички ишлар вазирлиги терма жамоаси Хитой Халқ Республикасининг Урумчи шаҳрида ўтказилган мусобақада муваффақиятли иштирок этиб қайтди
2025-09-13 19:00:00 / Янгиликлар
Тошкент халқаро аэропортида жамоа аъзолари тантанали тарзда кутиб олинди. 8 — 11 сентябрь кунлари “Хитой Халқ Республикаси жамоат хавфсизлиги ва Марказий Осиё Ички ишлар вазирлиги махсус кучлари маҳорати” бўйича ўтказилган мусобақада жамоалар 7 та босқичдан иборат бўлган шартлар бўйича беллашдилар.
Мусобақа натижаларига кўра Ўзбекистон Республикаси “Ички ишлар вазирлиги” терма жамоаси “Жанговар ёрдам”, “Кескин вазиятда мерганлар ўт очиш”, “Ишғол қилиш вақтида қўлга олиш” босқичида фахрли 3-ўринларни эгаллади.
Шунингдек, “Жангчилар эркин кураш беллашуви” босқичида бир нафар вакилимиз учинчи ўринни эгалланган бўлса икки нафари иккинчи ва уч нафари биринчи ўринларни қўлга киритишди.
“Жангчилар қўл жанги беллашуви тури бўйича” қўлга киритилган учта учинчи ва битта биринчи ўринлар умумжамоа ҳисобида мусобақани учинчи ўринда якунлашимизга катта ҳисса қўшди.
Шунингдек Қўшниларимиз Қозоғистон Республикаси терма жамоасига иккинчи ўрин насиб этган бўлса биринчи ўрин мезбонларда қолди.