Урганч шаҳридаги маҳаллаларда криминоген вазиятни барқарорлаштиришга қаратилган чора-тадбирлар тизимли равишда амалга оширилмоқда
2025-09-13 12:10:00 / Янгиликлар
2025 йил 11 сентябрь куни Урганч шаҳрининг “Мустақиллик” маҳалласида “Пайшанба – ҳуқуқбузарликлар профилактикаси куни” муносабати билан кенг кўламли ташкилий-профилактик тадбир ўтказилди. Тадбирда шаҳар ҳокими Б.Ражабов, ички ишлар бошқармаси бошлиғи полковник Ғ.Шарипов ҳамда ИИВ Академияси факультет бошлиғи полковник Б.Адилов иштирок этди.
Йиғилишда ҳуқуқбузарликларнинг олдини олиш, маҳаллаларда хавфсиз муҳит яратиш, жиноятчиликка қарши курашишга қаратилган 2025 йилда қабул қилинган Президент қарори ва Вазирлар Маҳкамаси қарорлари мазмуни асосида вазифалар белгилаб берилди.
Тадбирда шаҳарнинг мутасадди ташкилотлари, ҳуқуқни муҳофаза қилувчи органлар, тиббиёт, Қўриқлаш ва Фавқулодда вазиятлар бўлимлари, маҳалла раислари ва профилактика инспекторлари иштирок этди. Уларнинг фаол иштирокида маҳаллада жиноятчиликнинг олдини олиш бўйича чора-тадбирлар муҳокама қилинди.
Махсус эътибор қуйидаги йўналишларга қаратилди:
- чет элдан қайтган ва муҳтож аҳоли билан суҳбатлар ўтказиш,
- гиёҳвандлик, қимор ва бошқа салбий одатларга мойил шахслар билан индивидуал ишлаш,
- жиноятдан қайтган ва пробация назоратидаги шахсларни жамиятга мослаштириш,
- ажрим ёқасидаги оилалар билан “Соғлом оила — соғлом жамият” тамойили асосида иш олиб бориш,
- ижара шартномасисиз яшаб келаётган шахсларни аниқлаш ва чора кўриш,
- “хонадонбай” ва “фуқаробай” механизми асосида хонадонларга ташрифлар уюштириш.
Шунингдек, тарғибот ишларини кучайтириш, жамоатчилик, блогерлар ва ОАВни фаол жалб этиш зарурлиги таъкидланди.
Йиғилиш якунида масъулларга жиноятчиликни олдини олиш, хавфсиз муҳитни таъминлаш ва белгиланган вазифаларни ўз вақтида амалга ошириш юзасидан топшириқлар берилди.
Хоразм вилояти ИИБ Ахборот хизмати