Ички ишлар вазирлигида раҳбар кадрлар таркиби учун коррупцияга қарши кураш ва “Ўзбекистон–2030” стратегияси бўйича ўқув-семинар ўтказилди
2025-09-13 12:05:00 / Янгиликлар
Ички ишлар вазирлигида раҳбар кадрлар таркиби учун коррупцияга қарши кураш ва “Ўзбекистон–2030” стратегияси мавзусида ўқув-семинар ташкил этилди. Ушбу тадбирда ички ишлар органлари раҳбарлари ва малакали мутахассислар иштирок этдилар.
Ўқув-семинарда коррупцияга қарши курашиш бўйича Миллий кенгашнинг 2025 йил 5 мартда ўтказилган кенгайтирилган йиғилишида белгиланган устувор вазифалар муҳокама қилинди. Коррупцияга қарши курашиш агентлиги масъул ходими Нодира Самандарова давлат хизматчилари ўртасида одоб-ахлоқ меъёрларини мустаҳкамлаш, манфаатлар тўқнашувининг олдини олиш ва жамоатчилик назоратини кучайтириш бўйича амалий чора-тадбирларни тақдим этди.
Касбий фанлар кафедраси профессори, полковник Зокир Умаров “Ўзбекистон–2030” стратегиясининг ички ишлар органларидаги аҳамиятига тўхталиб ўтди. У жамоат хавфсизлигини таъминлашда инновацион ёндашувлар ва замонавий ахборот технологияларидан самарали фойдаланиш масалаларига алоҳида эътибор қаратди.
Ўқув-семинар давомида ходимлар коррупцияга қарши муросасиз курашиш, қонун устуворлигини мустаҳкамлаш ҳамда очиқлик ва ҳисобдорликни таъминлаш бўйича ўз фикр-мулоҳазаларини билдирди.
Тадбир сўнгида ички ишлар органлари ходимлари “Ўзбекистон–2030” стратегияси ва коррупцияга қарши курашиш бўйича белгиланган вазифаларни амалга оширишда масъулиятни оширишлари зарурлиги таъкидланди.