Бухоро вилояти ИИБ раҳбарияти томонидан Бухоро шаҳридаги криминоген вазияти мураккаб ҳисобланган “Садриддин Айний” маҳалласида, шунингдек “Оила – маҳалла – мактаб” тамойили асосида 35-умумтаълим мактабида тажриба тариқасида ўрганишлар олиб борилди
2025-09-12 22:00:00 / Янгиликлар
Ўзбекистон Республикаси Президентининг ПҚ-253-сонли Қарорида белгиланган вазифаларнинг тўлиқ ва сифатли ижросини таъминлаш, ҳамкор ташкилотлар билан ўзаро ҳамкорликни самарали йўлга қўйиш мақсадида бугун 11 сентябрь куни «Садриддин Айний» маҳалласи ҳудудига бириктирилган вилоят ИИБ раҳбарияти ҳамда Бухоро шаҳар ИИО ФМБ ходимлари иштирокида йўриқнома ўтказилди.
Йўриқнома давомида бугунги кунда мазкур маҳаллада криминоген вазиятни барқарорлаштириш, жамоат хавфсизлигини таъминлаш ҳамда фуқароларнинг ҳуқуқ ва эркинликларини кафолатли ҳимоя қилиш мақсадида амалга оширилиши лозим бўлган ишлар муҳокама қилиниб, маҳаллага бириктирилган ҳар бир ходимга «маҳаллабай», «хонадонбай» ва «фуқаробай» ишлаш тизими орқали жами олтита объектларга бўлинган ҳолда рўйхатлар бириктириб чиқилди.
Бошқарма бошлиғи ўринбосари томонидан, ходимларнинг тунги хизмати самарадорлигини ошириш жиноят содир этишга мойил шахслар, муқаддам судланганлар ва назоратдаги шахсларга билан олиб борилаётган ишларни янада кучайтириш ҳамда маҳалла еттилиги фаолияти таҳлил қилинди.
Ходимлар томонидан маҳаллада аҳоли учун яратилган шарт-шароитлар, ҳуқуқбузарлик ва жиноятчиликларнинг барвақт олдини олиш борасида амалга оширилаётган ишлар ўрганилиб бирма-бир хатловдан ўтказиш ишлари олиб борилмоқда.
Шундан сўнг, ўрганиш манзили Бухоро шаҳридаги 35-мактаб бўлиб ушбу мактаб ўқувчи ва ўқитувчилари билан ишчи гуруҳ тузилган ҳолда профилактик суҳбатлар ўтказилди.
Якка ҳамда умумий суҳбатлар жараёнида мактаб ўқувчиларининг ижтимоий муаммолари, оилавий шароитлари, қизиқишлари ўрганилди.
Шунингдек, уларнинг бўш вақтларини мазмунли ташкил этиш мақсадида фан ва спорт тўгаракларига жалб этиш, ҳар бири билан алоҳида ишловчи психологларни жалб этиш чораларини кўриш борасида масъулларга кўрсатмалар берилди.
Бухоро вилояти ИИБ Ахборот хизмати