Наманган вилояти раҳбарияти томонидан Давлатобод ва Мингбулоқ туманларида жиноятчилик аҳволи муҳокама қилинди
2025-09-12 09:00:00 / Янгиликлар
Маҳаллаларда жиноятчиликни олдини олиш, жиноятдан ҳоли ҳудудларни шакллантириш ва бу йўналишдаги Президент қарорларининг ижросини таъминлаш ички ишлар органлари ходимларининг энг устувор вазифаларидан бири этиб белгиланган.
Давлатобод туманидаги «Маданият маркази» ва Мингбулоқ туман ҳокимлигида Наманган вилояти ИИБ бошлиғи томонидан ички ишлар бўлимлари ходимларининг жорий йилнинг ўтган даври мобайнидаги фаолияти ва тумандаги жиноятчилик аҳволига бағишланган йиғилиш ўтказилди.
Унда ушбу туманлар ҳокимлиги, прокуратураси, мутасадди ташкилотлар вакиллари ҳамда кенг жамоатчилик вакиллари иштирок этди.
Йиғилишда туман ИИБ ходимлари, шунингдек соҳага дахлдор идоралар вакиллари томонидан маҳаллаларда хавфсиз муҳитни яратиш, жиноятчиликка қарши курашиш ҳамда ПҚ-1-сон ва ПҚ-253-сон қарорлар ижроси юзасидан амалга оширилаётган ишлар танқидий руҳда муҳокама қилинди.
Аниқланган камчиликларга йўл қўйган масъуллар қатъий огоҳлантирилди ва уларга келгусидаги устувор вазифалар белгилаб берилди.
Наманган вилояти ИИБ Ахборот хизмати