Ўзбекистон Республикаси Ички ишлар вазирлиги

Вилоят ички ишлар бошқармаси соҳавий хизматлари раҳбарлари томонидан шаҳар ва туманларда профилактика инспекторлари томонидан криминоген вазиятни жиловлаш, жиноятларни эрта аниқлаб олдини олиш, ҳуқуқбузарликларга барҳам бериш, фуқаролар хавфсизлигини таъминлаш, маҳаллаларда хавфсиз муҳитни яратиш мақсадида тушунтириш ва тарғибот тадбирлари амалга оширилмоқда.

Вилоятнинг Китоб, ва Нишон туман ички ишлар бўлимларида бўлиб ўтган тадбирларда бошқарма жамоат хавфсизлиги хизмати ҳуқуқбузарликлар профилактикаси бошқармаси бошлиғи, хотин-қизлар масалалари бўйича бошлиқ ўринбосари, бошқарма Рақамли технологиялар ва ҳуқуқий статистика хизмати бошлиғи, бошқарма Ахборот хизмати раҳбари ва профилактика инспекторлари иштирок этиб, кун тартибидаги мавзулар бўйича маърузалар қилишди.

Тадбирда ҳуқуқбузарликлар профилактикаси бошқармаси бошлиғи, подполковник Нурилла Омонов маҳаллаларда хавфсиз муҳитни яратиш, жамоат тартибини сақлаш, фуқаролар хавфсизлигини ҳамда қонун устуворлигини таъминлашда ҳар бир ходим билим ва малакасини ошириши, қонунчиликдаги янгиликлар ва меъёрий ҳужжатларни ўқиб-ўрганиб бориши лозимлигини таъкидлади. Ўз навбатида бу жиноятга жазо муқаррарлигини таъминлаб, осойишта турмушга замин ҳозирлашини билдирди.

«Соғлом оила-юрт келажаги» мавзусида маъруза қилган бошқарма ҳуқуқбузарликлар профилактикаси бошқармаси бошлиғи ўринбосари, подполковник Замира Рустамова оилаларда маънавий муҳитни соғломлаштириш, низоларни ҳал этиш, хотин-қизларга нисбатан тазйиқ ва зўравонликка барҳам бериш чораларини кўриш юзасидан профилактика инспекторларига йўриқномалар берди.

Профилактика инспекторларига хотин-қизларни тазйиқ ва зўравонликдан ҳимоя қилиш, «Ҳимоя ордери» бериш тартиблари»ни батафсил тушунтирди.

Йиғилишда бошқарма Рақамли технологиялар ва ҳуқуқий статистика хизмати бошлиғи катта лейтенант Дилафрўз Мажидова «E-материал» электрон тизимида жиноят ва ҳодисалар ҳақидаги ариза ҳамда хабарларни ижросини белгиланган муддатларида амалга ошириш, натижаларини тизимга тўлиқ ва сифатли юклаш, шунингдек Интеграллашган маълумотлар банки электрон тизимида профилактик ҳамда рўйхат ҳисобига олиш тартиби тўғрисида иштирокчиларга маълумот берди.

Бошқарма Ахборот хизмати раҳбари, подполковник Ирода Расулова иштирокчиларга «Ижтимоий тармоқ фаоллари, блогер ва журналистлар билан мулоқот асослари ва муомала маданияти» мавзусида маъруза қилди.

Ички ишлар органлари ходимлари фуқаролар билан муносабатда хушмуомала, илтифотли, одобли, эътиборли, сабр-тоқатли бўлиши, уларни ҳурмат қилиши шарт. Хизмат олиб бораётган ҳар бир ходим бирон-бир фуқаро ёки оммавий ахборот воситалари ёки ижтимоий тармоқ аъзо(блогер)лари хизмат фаолиятини суратга ёки видео тасвирга олаётган ҳолатида унга қаршилик қилмаслик лозимлигини, мабодо ҳолат юзасидан маълумот сўраганда бошқарма ахборот хизматига мурожаат қилиши лозимлиги хусусида батафсил маълумот берди

Якунда мавзулар доирасида иштирокчиларнинг саволларига жавоблар берилди.

Ўқув машғулотлари давом этмоқда.

Қашқадарё вилояти ИИБ Ахборот хизмати