Ички ишлар вазирилиги раҳбарияти Фарғона вилояти ИИБ «Қўриқлаш» бошқармасига ташриф буюрди
2025-09-03 11:00:00 / Янгиликлар
Ташриф давомида бошқармада амалга оширилаётган ишлар, хизмат самарадорлигини ошириш ва аҳоли хавфсизлигини таъминлаш бўйича қўлланилаётган инновацион ёндашувлар ўрганиб чиқилди.
Шунингдек, келгусида белгиланган режалар ва устувор йўналишлар ҳақида атрофлича маълумот берилди.
Учрашув жараёнида «Қўриқлаш» бошқармаси бошлиғи томонидан Марғилон шаҳри ҳамда бошқа ҳудудларда амалга оширилган ишлар юзасидан махсус тақдимот ўтказилди.
Унда жиноятчиликнинг олдини олиш, аҳолининг мулкий хавфсизлигини таъминлаш, янги техник воситалардан самарали фойдаланиш, шунингдек, ходимларнинг малакасини ошириш бўйича амалга оширилган чора-тадбирлар кенг ёритиб берилди.
Учрашув якунида масъул раҳбарлар томонидан тизимдаги ишлар самарадорлигини ошириш, аҳоли билан ҳамкорликни кучайтириш ва хизмат фаолиятини янада замонавий талаблар асосида йўлга қўйиш юзасидан тегишли кўрсатмалар берилди.
ИИВ Жамоат хавфсизлиги департаменти Ахборот хизмати