Жиззах вилояти ИИБ раҳбарияти Шароф Рашидов туманидаги 12-сонли ўрта умумтаълим мактабида “Билимлар куни” тадбирида иштирок этди
2025-09-03 09:00:00 / Янгиликлар
Жиззах вилоятининг Шароф Рашидов туманидаги 12- сонли ўрта умумтаълим мактаби вилоят ИИБ оталиғида.
Шу боис бошқарма бошлиғи мазкур таълим муассасасида янги ўқув йилининг бошланиши муносабати билан уюштирилган маросимда иштирок этди.
«Ватан учун, халқ учун, миллат учун» шиори остида ўтган тадбир давомида вилоятда таълимни ривожлантиришга қаратилган ислоҳотлар ҳақида сўз юритилди.
Шунингдек, мактабнинг 1-синфига қабул қилинган болаларга ўқув қуролларидан иборат Президент совғалари топширилди.
Сўнг вилоят ИИБ бошлиғи 11-синф ўқувчиларига Келажак соат ўтди.
Маълумот ўрнида айтиш керак, вилояти ИИБ жорий мавсумда ушбу мактабнинг таъмирдан чиқарилишига яқиндан ёрдам кўрсатди.
Жиззах вилояти ИИБ Ахборот хизмати