Ички ишлар вазирлиги раҳбарияти Бухоро мактабларида таълим сифати ва хавфсизликни кўздан кечирди
2025-09-02 11:15:00 / Янгиликлар
Таълим муассасаларида биринчи қўнғироқ тадбирлари бошланиши муносабати билан Ички ишлар вазирлиги раҳбарияти Бухоро вилоятидаги бир қатор мактабларда бўлиб, ўқувчи ёшларни кутиб олишга қаратилган тайёргарлик жараёнлари билан танишди.
Ташриф давомида вазир ўринбосари Ғиждувон туманидаги 29-мактаб ҳамда Шофиркон туманидаги 13-мактабларда бўлиб, янги ўқув йилига кўрилган тайёргарлик ишлари билан яқиндан танишиб, мактабларда таълим жараёнини ташкил этиш, ўқув синфларининг ҳолати, ўқитувчи ва ўқувчилар учун яратилган шароитлар, инфратузилмаларнинг ҳолати ҳамда хавфсизлик талабларига риоя қилиниши ўрганилди.
Ташриф давомида масъулларга таълим сифатини янада ошириш, ўқувчиларнинг самарали билим олишлари учун барча зарур шарт-шароитларни яратиш юзасидан тегишли кўрсатмалар берилди.
Барча азиз ўқувчиларни янги ўқув йили ва биринчи қўнғироқ байрами билан самимий муборакбод этамиз. Янги билимлар, катта ютуқлар ва омадлар ҳамиша йўлдошингиз бўлсин!
Бухоро вилояти ИИБ Ахборот хизмати