Самарқанд вилояти Ички ишлар органлари ходимлари ўртасида«Энг яхши терговчи» ва «Энг яхши профилактика инспектори» танловларининг вилоят босқичи ўтказилди
2025-08-30 12:00:00 / Янгиликлар
Ўзбекистон Республикаси Вазирлар Маҳкамасининг 2021 йил 24 августдаги «Ички ишлар органларида энг яхши ходимларни аниқлаш бўйича республика танловини ташкил этиш чора-тадбирлари тўғрисида»ги Қарори талаблари асосида вилоят ИИБ ходимлари ўртасида «Энг яхши терговчи» ҳамда «Энг яхши профилактика инспектори» номинацияси бўйича танлов ўтказилди.
Танловда иштирокчилар 5 босқичда, яъни жисмоний ва жанговар тайёргарлик, иштирокчиларнинг билим даражасини аниқлашга қаратилган электрон тест синовлари, иштирокчиларнинг индивидуал психологик хусусиятлари даражасини аниқлашга қаратилган синовлар асосида беллашишди ҳамда якка тартибдаги суҳбатлар ўтказилди.
Кўрик танлов якунига кўра 1,2,3-ўринларни эгаллаган ғолиблар танловнинг республика босқичи йўлланмасини қўлга киритди.
Самарқанд вилояти ИИБ Ахборот хизмати