ИИВ Қоровул қўшинлари ҳарбий хизматчилари Ижтимоий ҳимоя марказидаги нуронийлар ва меҳрибонлик уйи тарбияланувчилари ҳолидан хабар олишди
2025-08-29 11:35:00 / Янгиликлар
Ўзбекистон Республикаси Давлат Мустақиллигининг 34 йиллик байрами олдидан Ижтимоий ҳимоя ойлиги доирасида, Андижон шаҳрида жойлашган қўшинга қарашли 7553-ҳарбий қисм бир гуруҳ ҳарбий хизматчилари, вилоят Ижтимоий ҳимоя марказида ёши улуғ, кўмакка муҳтож кексалар ҳолидан хабар олишди, улар билан дилдан суҳбатлашган ҳолда, шахмат-шашка ўйинлари ташкил этилди, шунингдек, марказдаги нуроний отахон ва онахонлар кайфиятларини бироз бўлсада кўтариш, мақсадида концерт дастури ҳам намойиш этилди.
Тошкент шаҳрида ҳам ушбу ташаббус давом эттирилиб, унда 7531-ҳарбий қисм ҳарбий хизматчилари пойтахтимизнинг Миробод туманида жойлашган Ўзбекистон Республикаси Президенти ҳузуридаги Ижтимоий миллий ҳимоя агентлиги
30-сон меҳрибонлик уйида бўлиб, ушбу даргоҳда меҳрга муҳтож болажонлар ҳолидан хабар олишди, қўмондонлик ашула ва рақс ансамбли томонидан болажонларнинг мурғак қалбларида ватанпарварлик туйғуларини тараннум этиш, ҳамда уларга байрамона хуш кайфият тақдим этиш мақсадида қизиқарли чиқишлар ва концерт дастурлари намойиш этилди.
Энг улуғ ва энг азиз байрамимиз олдидан ташкил этилаётган бу каби тадбирлар, маънавий, ижтимоий меҳр ва кўмакка муҳтож юртдошларимизни ҳар томонлама қўллаб-қувватлашга хизмат қилаётганлиги билан аҳамиятлидир.
ИИВ Қоровул қўшинлари қўмондонлиги Ахборот гуруҳи