Наманган вилояти ИИБда ҳуқуқни муҳофаза қилувчи органлар ходимлари иштирокида йиғилиш бўлиб ўтди
2025-08-27 11:30:00 / Янгиликлар
Йиғилиш вилоят ИИБ бошлиғи, Давлат хавфсизлик хизмати, Фавқулодда вазиятлар бошқармаси, Миллий гвардия ҳамда Давлат солиқ бошқармаси бошлиқлари раҳбарлигида ўтказилиб, унда Ўзбекистон Республикаси давлат мустақиллигининг ўттиз тўрт йиллик байрамига ва янги ўқув йили бошланиши муносабати билан ўтказиладиган «Билимлар куни» тадбирларига тайёргарлик кўриш, шунингдек, «Ватан учун, миллат учун, халқ учун!» деган бош ғояни ўзида мужассам этган ташкилий-амалий, маънавий-маърифий тадбирларни ўтказишда фуқаролар ҳамда жамоат хавфсизлигини таъминлаш масалалари атрофлича муҳокама қилинди.
Йиғилиш давомида байрам тадбирларини ўтказишда вилоят ҳуқуқни муҳофаза қилувчи органлар ходимларининг ўзаро ҳамкорликда хизматни ташкил этиши, оммавий тадбирлар ўтказиладиган жойларда хавфсизлик чораларини кучайтириш ва бошқа масалалар юзасидан масъул раҳбарларга аниқ топшириқлар берилди.
Наманган вилояти ИИБ Ахборот хизмати