«Ижтимоий ҳимоя ойлиги» доирасида давра суҳбати ҳамда хотин-қизларга нисбатан зўравонлик ҳолатларининг олдини олиш борасида семинар ташкил этилди
2025-08-26 10:30:00 / Янгиликлар
Наманган вилояти Ички ишлар бошқармаси Маънавий-маърифий ишлар ва кадрлар билан таъминлаш хизмати ходимлари томонидан «Ижтимоий ҳимоя ойлиги» доирасида Наманган вилояти ИИО да хизмат қилаётган аёл ходималар билан давра суҳбати ташкил этилди.
Суҳбат давомида ходимларнинг ҳуқуқий билимларини янада бойитиш, уларга берилаётган имтиёз ва кафолатлар юзасидан тушунчалар бериш, шунингдек, мавжуд муаммоларни жойида ҳал этиш бўйича фикр алмашилди. Суҳбат давомида ходимлар томонидан ижтимоий ҳимоя йўналишида ўзларини қизиқтирган саволларига батафсил жавоблар олишди.
Давра суҳбатининг асосий мақсади ходимларнинг ижтимоий ҳимоя борасидаги саводхонлигини ошириш, уларда мавжуд бўлган саволларига амалий жавоб бериш ҳамда тизимда инсонпарварлик тамойилларини янада мустаҳкамлашга қаратилди.
Шунингдек Наманган вилоятида хотин-қизларни психология йўналишидаги касбий билим ва кўникмаларини ошириш мақсадида, ИИВ ЖХХ Ҳуқуқбузарликлар профилактикаси хизмати ходимлари, шаҳар ва туман хотин-қизлар масалалари бўйича инспекторлари ҳамда маҳалла хотин-қизлар фаоллари иштирокида ўқув семинари ташкил этилди.
Семинарда хотин-қизларга нисбатан зўравонлик ҳолатларининг олдини олиш, психологик ёрдам кўрсатиш, тазйиқ ва зўравонликдан жабрланганларга ҳимоя ордери бериш тартиби бўйича кенг муҳокамалар ўтказилди.
Шу жумладан иштирокчилар хизмат фаолияти жараёнида учраётган амалий ҳолатлар ва уларни бартараф этишнинг самарали йўллари ҳақида фикр алмашдилар.
Наманган вилояти ИИБ Ахборот хизмати