Наманган вилоят ҳокимлигида маҳаллаларда хавфсиз муҳитни яратиш борасида жорий йилнинг 7 ойи давомида амалга оширилган чора-тадбирлар муҳокама қилинди
2025-08-24 15:00:00 / Янгиликлар
Наманган вилояти ҳокимлигида видеоселектор тарзида йиғилиш ўтказилиб, унда жиноятчиликни жиловлаш, криминоген вазият барқарорлигини таъминлаш ва маҳаллаларда хавфсиз муҳитни яратиш борасида жорий йилнинг 7 ойи давомида амалга оширилган чора-тадбирлар муҳокама қилинди.
Йиғилишда Наманган вилояти ИИБ бошлиғи ҳудудларда ички ишлар органлари томонидан амалга оширилган ишлар юзасидан йиғилиш иштирокчиларига маълумот берди.
Шунингдек, йиғилишда 2025 йил 18 август куни қабул қилинган ПҚ-253-сон Қарорининг мазмун-моҳияти атрофлича кўриб чиқилди. Ушбу ҳужжат асосида маҳаллаларда хавфсиз муҳит яратиш бўйича ташкилий-профилактик тадбирларнинг самарадорлигини ошириш, ижтимоий профилактика тадбирларини амалга оширувчи субъектларнинг шахсий жавобгарлигини кучайтириш, шунингдек, криминоген вазияти мураккаб маҳаллаларда алоҳида ёндашув асосида манзилли ишларни ташкил этиш каби устувор вазифалар белгилаб олинди.
Наманган вилояти ИИБ Ахборот хизмати