Энг улуғ ва муқаддас байрам — Ватанимиз Мустақиллиги муносабати билан Ички ишлар вазирлигида умумхалқ хайрия ҳашари ташкил этилди
2025-08-23 11:40:00 / Янгиликлар
Ўзбекистон Республикаси Вазирлар Маҳкамаси жорий йилнинг 22-23 август кунлари “Обод ва файзли маҳалла — юрт кўрки” шиори остида умумхалқ хайрия ҳашарини ўтказиш тўғрисидаги фармойишига асосан Ички ишлар вазирлигининг барча соҳавий хизматлари ва ҳудудий бошқармаларида ҳашар тадбирлари ўтказилмоқда.
Эрта тонгдан ходимлар ўзларига бириктирилган ҳудудларда атрофни чиқиндилардан тозалаш, дарахтларни оқлаш, ариқ зовурларни тозалаш каби ишларни амалга оширишди.
Бу каби ҳашар тадбирлар ҳудудларни ободонлаштириш баробарида эпидемиологик осойишталикни сақлаш шунингдек, жамоанинг бир тану бир жон бўлиб хизмат қилишида муҳим аҳамият касб этади.
Эзгулик ва ҳамжиҳатликка йўғрилган ободонлаштириш тадбирлари муқаддас байрамимиз Ватанимиз Мустақиллигининг 34 йиллигини кўтаринки кайфиятда тоза озода хизмат жойларида кутиб олишимизга замин яратади.
ИИВ Ахборот хизмати