Сурхондарё вилояти ИИБ Эксперт-криминалистика маркази ҳамда қуйи тизими ходимларининг касбий малака ва кўникмаларини ошириш мақсадида назарий ва амалий ўқув машғулотлари ташкил этилди
2025-08-22 09:35:00 / Янгиликлар
Унда бевосита иштирок этган Ўзбекистон Республикаси ИИВ эксперт криминалистика бош маркази катта эксперти майор Нодир Рашидов, Тошкент шаҳар ИИББ Эксперт-криминалистика маркази катта эксперти капитан Арслон Мансуров, Тошкент вилояти ИИББ ЭКМ бош эксперти майор Ҳамид Раҳимбаевлар томонидан ҳодиса жойини кўздан кечириш, ашёвий далилларни олиш, қадоқлаш ҳамда тезкор-қидирув тадбирлари ва тергов ҳаракатлари давомида криминалистик-техник воситаларни қўллаш бўйича маҳорат дарслари ўтказишди.
Шунингдек, суд фотографиясининг умумий қоидалари, тергов ҳаракатлари ва тезкор-қидирув тадбирлари исботлов базасининг шакллантиришдаги аҳамияти, портлаш ва йўл-транспорт ҳодисалари билан боғлиқ воқеа жойларини кўздан кечириш, тинтув ва тергов экспериментини ўтказиш бўйича назарий маълумотлар берилди.
Ўтказилган маҳорат дарслари якунида, ИИБ Эксперт-криминалистика маркази ва унинг қуйи тизимларининг барча ходимларига “Ҳодиса жойини кўздан кечириш” бўйича сертификатлар топширилди.
Сурхондарё вилояти ИИБ Ахборот хизмати