Сирдарё вилояти Гулистон шаҳрида жиноятчилик ва ҳуқуқбузарликларни барвақт олдини олиш ишлари ўрганилди
2025-08-16 23:45:00 / Янгиликлар
Сирдарё вилояти Ички ишлар бошқармаси бошлиғи Гулистон шаҳрида жиноятчилик ва ҳуқуқбузарликларни барвақт олдини олиш, маҳаллаларда криминоген вазиятни барқарорлаштириш борасида амалга оширилаётган ишлар билан танишди.
Ўрганишлар давомида бошқарма бошлиғи Гулистон шаҳарнинг қизил тоифадаги «Тараққиёт» маҳалласида бўлиб, маҳалла еттилиги билан ҳамкорликда амалга оширилган профилактик тадбирлар, шунингдек, Давлатимиз раҳбарининг ПҚ 1-сонли қарори асосида ишлаб чиқилган «Йўл харитаси» ижроси бўйича олиб борилаётган ишлар ҳолати билан танишди. Мазкур йўналишда амалга оширилиши зарур бўлган вазифалар юзасидан тегишли кўрсатма ва топшириқлар берилди. Шунингдек, маҳаллада фаолият юритаётган тадбиркорлик субъектлари фаолияти ўрганилиб, уларнинг иш шароити ва имкониятларини янада кенгайтириш масалалари кўриб чиқилди.
Ташриф давомида бошқарма бошлиғи Жамоат тартибини сақлаш бўлими ҳузуридаги Махсус қабулхонага ҳам бориб, у ерда фуқаролар учун яратилган шароитлар ва ходимларнинг иш фаолиятини ўрганди.
Сирдарё вилояти ИИБ Ахборот хизмати