Бухоро вилояти ИИБ бошлиғи полковник Миржамол Миралимов вилоят 3-сектор ҳудудига қарашли Ғиждувон туманининг «Кўлижаббор» маҳалласида амалга оширилаётган бунёдкорлик ишлари билан танишди
2024-03-24 11:40:00 / Янгиликлар
Айни кунларда Бухоро вилояти Ички ишлар бошқармаси бошлиғига бириктирилган «Кўлижаббор» маҳалласида «Обод хонадон», «Обод кўча» ва «Обод маҳалла» дастури доирасида кенг кўламли бунёдкорлик ишлари олиб борилмоқда.
Бошқарма бошлиғи дастлаб, маҳаллада ташкил этилган вилоят 3-сектор штабида масъуллар билан амалга ошириладиган ишларни муҳокама қилди.
Шундан сўнг йўл, коммуникация тармоқлари, инфратузилма ҳолатини яхшилаш, электр таъминоти, ичимлик суви билан таъминлаш даражасини ошириш борасида амалга оширилаётган ишларни кўздан кечирди.
Бухоро вилояти ИИБ Ахборот хизмати