ИИВ ҳузуридаги Тергов департаменти раҳбарияти томонидан навбатдаги шахсий қабул ўтказилди
2025-08-13 18:10:00 / Янгиликлар
Фуқароларнинг мурожаатлари билан ишлаш тизими самарадорлигини ошириш мақсадида Ички ишлар вазирлиги ҳузуридаги Тергов департаменти томонидан мунтазам равишда шахсий ва сайёр қабуллар ўтказиб келинмоқда.
Аҳоли билан тўғридан-тўғри мулоқотни кенгайтириш, мавжуд муаммоларни аниқлаш, уларни бевосита жойида бартараф этиш мақсадида жорий йилнинг 12 август куни Тергов департаменти раҳбариятининг шахсий қабули ўтказилди.
Қабул давомида жами 158 нафар фуқароларнинг 80 дан ортиқ мурожаатлари ўрганилди. Мурожаатларнинг асосий қисми тергов фаолиятига тааллуқли бўлиб, ҳуқуқбузарликлар профилактикаси ҳамда миграция ва персоналлаштириш йўналишларидаги масалалар ҳам кўриб чиқилди.
Келиб тушган мурожаатларнинг 24 таси ёки 28,5 фоизи жойида қаноатлантирилди, 11 таси ёки 13,1 фоизига тушунтириш берилди, 49 таси ёки 58 фоизи қўшимча ўрганиш талаб этганлиги боис масъул раҳбарларга топшириқлар берилди ва ижроси назоратга олинди.
Шунингдек, икки нафар фуқаролар томонидан муаммоси муваффақиятли ҳал этилгани юзасидан миннатдорчиликлар билдирилди.
Бу каби қабуллар келгусида ҳам давом эттирилади.
ИИВ ҳузуридаги Тергов департаменти