Қашқадарё вилояти Ички ишлар бошқармаси жамоат хавфсизлиги хизмати Пробация бўлими ходимлари учун янги, замонавий ва кўркам бино фойдаланишга топширилди
2025-08-12 13:40:00 / Янгиликлар
Бинонинг очилиш тадбирида Қашқадарё вилояти Ички ишлар бошқармаси бошлиғи, полковник Абдувохид Исмоилов, бошқарма соҳавий хизматлар ва таркибий бўлимлар ходимлари, фахрийлар кенгаши аъзолари иштирок этишди.
Тадбирда сўз олганлар Ички ишлар органларининг моддий-техник базаси замон талабларига мос ҳолда мустаҳкамланаётгани, бу ўз навбатида юртимиз тинчлиги, фуқаролар хавфсизлигини таъминлашда муҳим аҳамият касб этаётганини алоҳида таъкидлаб ўтишди.
Бинони тўлиқ реконструкция қилиш ҳамда таъмирлашда асосий эътибор ходимлар учун қулай хизмат шароитларини яратишга қаратилгани эътироф этилди.
Рамзий лента кесилгач, тадбир иштирокчилари бўлим биносида соҳавий хизмат ходимлар учун яратилган шароитлар билан танишдилар.
Кўркам бино, кенг ва ёруғ хизмат хоналари, ихчам ва бежирим мебел жиҳозлари, энг сўнгги русумдаги компьютерлар, инновацион технологиялар, албатта, бундай қулайликлар ҳар бир ходимни ғайрат-шижоат билан хизмат қилишга ундайди.
Ички ишлар органларида амалга оширилаётган бу каби янгиланиш ва ислоҳотлар юртимиз тинчлиги, халқимиз осойишталигини таъминлашда муҳим омил бўлиб хизмат қилиши шубҳасиз.
Қашқадарё вилояти ИИБ Ахборот хизмати