Қашқадарё вилоят ИИБ раҳбариятининг навбатдаги сайёр қабули Муборак туманида бўлиб ўтди
2025-08-08 09:00:00 / Янгиликлар
Қашқадарё вилояти ички ишлар бошқармаси бошлиғи полковник Абдувохид Исмоилов Муборак тумани Тонг маҳалласида жисмоний ва юридик шахслар билан “Оммавий сайёр қабул” ўтказди.
Унда вилоят Ички ишлар бошқармаси соҳавий хизмат раҳбарлари, туман ҳокими ҳамда алоқадор ташкилотлар масъуллари иштирок этишди.
“Сайёр қабул”да ички ишлар органларининг тергов-суриштирув, йўл ҳаракати хавфсизлиги, ижтимоий кўмак йўналишида уй олиш, ичимлик суви учун қувур тортиш ҳамда иш билан таъминлаш масалаларидаги мурожаатлар қабул қилинди.
Жумладан, қабул қилинган мурожаатларнинг аксарияти жойида ижобий ҳал этилди. “Ёшлар дафтари”да рўйхатда турувчи фуқаро “Ҳудудгазтаъминот” туман филиалига пайвандчиликка ишга жойлаштирилди.
Қолган мурожаатлар кўриб чиқиш учун муддат талаб этганлиги сабабли, ушбу мурожаатларнинг ижроси бошқарма бошлиғи томонидан алоҳида назоратига олинди.
Айрим мурожаатлар бўйича эса асослантирилган ҳуқуқий тушунтиришлар берилди.
“Сайёр қабул” қабуллар давом эттирилмоқда.
Қашқадарё вилояти ИИБ Ахборот хизмати