Бухоро вилоят ички ишлар бошқармаси тизимида хизмат олиб бораётган аёл ходималар ўртасида «Тўмарис издошлари» танловининг вилоят босқичи юқори савияда ўтказилди
2025-08-05 09:00:00 / Янгиликлар
Мазкур танлов аёллар фаоллигини ошириш, уларнинг хизмат фаолиятидаги ютуқларини кенг оммага тарғиб қилиш, шунингдек, ички ишлар органларида фаолият юритаётган ходима аёлларнинг ижтимоий фаоллигини қўллаб-қувватлаш мақсадида ташкил этилди.
Танлов давомида иштирокчилар бир нечта шартлар асосида беллашиб, ўзларининг касбий билимлари, маданий-маърифий савияси, нутқ маҳорати ҳамда бадиий ижодга бўлган қизиқишларини намоён этдилар.
Қизғин ва муросасиз кечган баҳслар натижасида энг фаол ва иқтидорли иштирокчилар аниқланиб, вилоят босқичи ғолиблари сифатида тақдирландилар.
Ғолиб бўлган ходималар танловнинг республика босқичида Бухоро вилояти шарафини муносиб ҳимоя қилишлари кутилмоқда.
Бухоро вилояти ИИБ Ахборот хизмати