Ички ишлар органлари ходимларини ижтимоий қўллаб-қувватлаш, ишчанлик муҳитини яратиш мақсадида ИИВ ҳузуридаги жазони ижро этиш департаменти томонидан тасдиқланган буйруқ асосида ҳар йили анъанавий тарзда ўтказилиб келинаётган “Энг яхши жазони ижро этиш колонияси”, “Энг яхши тергов ҳибсхонаси”, “Энг яхши манзил-колонияси” ва “Энг яхши соҳавий хизмат ходими” кўрик-танлови юқоридаги фикрларимизга яққол мисол бўла олади.

Мана икки йилдирки ушбу кўрик-танловда бешинчи минтақавий мувофиқлаштириш маркази ва унинг тасарруфидаги колониялар фаол иштирок этиб, юксак натижаларни қайд этиб келмоқда.

Жумладан, департаментнинг 2023 йилнинг 15 июль кунидаги 66-сонли буйруғига асосан ўтказилган кўрик-танлов натижаларига кўра минтақа ва унинг тасарруфидаги колониялар томонидан турли номинациялар жами 15 та ўрин қўлга киритилди.

“Энг яхши жазони ижро этиш колонияси” номинацияси бўйича 1-ўринни 4-ЖИЭК, 2-ўринни 5-ЖИЭК, 3-ўринни эса 12-ЖИЭК эгаллаганлиги барчани бирдек қувонтирди.

Бундан ташқари 6 та номинация бўйича 1-ўрин, 5 та номинация бўйича 2-ўрин бешинчи минтақа тасарруфидаги колония соҳавий хизмат ходимларига насиб этди.

Айни кунларда кўрик-танлов ғолибларини тақдирлаш тадбирлари кўтаринки руҳда бўлиб ўтмоқда.

Дастлаб минтақавий мувофиқлаштириш маркази мажлислар залида кўрик-танловнинг “Энг яхши ҳарбий сафарбарлик гуруҳи ходими” номинациясида фахрли иккинчи ўринни қўлга киритган марказ ҳарбий сафарбарлик гуруҳи МТБ инспектори майор Жамшид Насуллоев тақдирланди. Шундан сўнг марказ бошлиғи муассасаларга ташриф буюриб, барча ғолибларга эсдалик совғаларини тантанали равишда топширди.

ИИВ ЖИЭД Ахборот хизмати