Бухоро вилояти Ички ишлар бошқармаси раҳбариятининг жисмоний ва юридик шахслар мурожаатлари ечимига доир навбатдаги шахсий қабул бўлиб ўтди
2025-07-28 11:10:00 / Янгиликлар
Қабулда Ички ишлар бошқармаси бошлиғи томонидан фуқаролар, юридик шахслар ва уларнинг қонуний вакиллари, шунингдек, ички ишлар органлари ходимлари билан юзма-юз мулоқот қилиниб, 40 га яқин ички ишлар органлари фаолияти ҳамда суд-ҳуқуқ соҳасига доир мурожаатлар бирма-бир кўриб чиқилди.
Асосий эътибор, мурожаатларнинг жойида ҳал этилишига қаратилиб, қўшимча ўрганиш ва қонуний қарор қабул қилиш учун вақт талаб қилганлари юритувга олинди ва ижроси юзасидан манзилли чора-тадбирлар белгиланиб, тегишли соҳавий хизматлар раҳбарларига бажариш муддатлари аниқ кўрсатилган кўрсатма ва топшириқлар берилди.
Бу каби қабуллар тасдиқланган режа асосида вилоят ҳамда ҳудудий ички ишлар органлари раҳбарлари томонидан доимий равишда ўтказиб борилади.
Бухоро вилояти ИИБ Ахборот хизмати