Қашқадарё вилоятида йўл-транспорт ва ҳуқуқни муҳофаза қилиш соҳаларида янги лойиҳалар тақдимоти бўлиб ўтди
2025-07-27 09:00:00 / Янгиликлар
Қашқадарё вилояти ҳокими жамоатчиликка қулайлик яратиш, фуқаролар ва тадбиркорлар учун зарур шарт-шароитлар яратиш мақсадида Ерқурғон бозори атрофида амалга оширилиши режалаштирилган йўл-транспорт инфратузилмасига оид лойиҳа тақдимоти билан танишди.
Шу билан бирга, вилоят Ички ишлар бошқармаси бошлиғи А.Исмоилов томонидан Қашқадарё вилояти марказидан олисда жойлашган шаҳар ва туманлар — Шаҳрисабз шаҳри, Китоб, Чироқчи, Яккабоғ ҳамда Шаҳрисабз туманларида ички ишлар органлари минтақавий бошқарув тизимини жорий этиш дастури тақдим этилди.
Дастур доирасида вилоят ҳудудида оила-турмуш муносабатлари доирасида ҳуқуқбузарлик ва жиноятларни жиловлаш, оила институтини мустаҳкамлаш ҳамда нотинч, низоли оилалар муаммоларини ижобий ҳал этиш орқали соғлом маънавий муҳитни таъминлашга қаратилган “Соғлом оила — юрт келажаги“ дастури ҳам намойиш этилди.
Шунингдек, Қашқадарё вилояти Қўриқлаш бошқармаси томонидан амалга оширилиши режалаштирилган ишлар, жумладан Қарши шаҳридаги Буюк Турон кўчасида барпо этилиши режалаштирилган вилоят ИИБ М ва ФР бошқармаси, ИИБ ЖХХ ХПБ, Вояга етмаганларга ижтимоий-ҳуқуқий ёрдам кўрсатиш маркази, вилоят ИИБ тиббиёт бўлими ва спорт мажмуаси бинолари лойиҳалари ҳам тақдим этилди.
Қашқадарё вилояти ИИБ Ахборот хизмати