Фарғона вилояти ИИБ раҳбарияти Бешариқ туманида тунги йўриқнома ўтказди
2025-07-27 09:00:00 / Янгиликлар
Фарғона вилоятида ўтказилаётган “Хавфсиз ва соғлом юрт” ойлиги доирасида жиноятчиликка қарши курашиш, ҳуқуқбузарликларнинг олдини олиш ва аҳоли ўртасида ҳуқуқий маданиятни оширишга қаратилган комплекс чора-тадбирлар амалга оширилмоқда.
Шу мақсадда, Бешариқ туманида Фарғона вилояти ички ишлар бошқармаси бошлиғи, генерал-майор Азизбек Икрамов иштирокида тунги йўриқнома ташкил этилди.
Йўриқнома доирасида жиноят содир этилиши эҳтимоли юқори бўлган ҳудудлар, одамлар кўп тўпланадиган жойлар, оғир маҳаллалар ва иш фаолиятини тунги вақтда амалга ошадиган объектларни кўздан кечириш, хизматни самарали ташкил қилиш бўйича топшириқлар берилди.
Ходимлар хизмат интизомига қатъий амал қилган ҳолда ҳуқуқбузарлик ва жиноятларга муросасиз муносабатда бўлишга чорланди.
Фарғона вилояти ИИБ Ахборот хизмати