Ички ишлар вазирлиги раҳбарияти томонидан Сурхондарё вилояти ҳудудларида ўрганишлар олиб борилмоқда
2025-07-25 11:20:00 / Янгиликлар
Ички ишлар вазир ўринбосари генерал майор Баходир Юлдашевич Мирзарахимов томонидан Сурхондарё вилояти Транспорт ва туризм объектларида хавфсизликни таъминлаш бошқармаси ҳамда вилоят ИИБ Хавфсиз туризмни таъминлаш бошқармасида амалга оширилаётган бир қатор ишлар юзасидан яқиндан танишди.
Хусусан, темир йўл объектларида йўловчи фуқаролар ва йўловчи ҳамда юк поездларининг ҳаракат хавфсизлигини таъминлаш борасида амалга оширилаёт ишлар, вокзал ишчилари, йўловчи фуқаролар ўртасида ҳуқуқбузарлик ва жиноятларнинг олдини олиш ва уларнинг профилактикаси, жамоат тартибини сақлаш борасида бир қатор кўрсатмалар берилди.
Шунингдек, вилоят ИИБ Хавфсиз туризмни таъминлаш бошқармаси ходимлари билан учрашиб, ходимлари томонидан ташриф буюрувчи сайёҳлар хавфсизлигини таъминлаш, содир этилиши мумкин бўлган жиноят ва ҳуқуқбузарликларнинг олдини олиш ҳамда аҳолининг ижтимоий ҳуқуқий онгини мустаҳкамлаш борасида жамоат жойларида ва туризм намойиши объектларида тарғибот профилактик тадбирлари ўтказилиши борасида кўрсатмалар берилди.
Ўрганишлар давомида, Сурхондарё вилояти Термиз туманида жойлашган меъморий ёдгорлик “Термизий мақбараси”да бўлиб, ушбу масканда хизмат қилувчи вилоят ИИБ Хавфсиз туризмни таъминлаш бошқармаси ходимларининг хизмат фаолияти кўздан кечирилди. Мазкур масканда ташриф буюрувчи чет эл ҳамда маҳаллий сайёҳларнинг хавфсизлигини таъминлаш борасидаги сайёҳларга амалий ёрдам кўрсатиш, шубҳали ҳолатларга тезкор муносабат билдириш, туризм жозибадорлигига салбий таъсир этувчи омилларни бартараф этиш ишларини тизимли равишда амалга оширилиши юзасидан бир қатор кўрсатмалар берилди.
Сўнг, вазир ўринбосари томонидан мазкур бошқармалар ходимларига жанговар тайёргарлигини ошириш, миллий манфаатларимизни ҳимоя қилиш, қонун устуворлиги ва тинчликни таъминлаш, ходимлар ўртасида психологик ва руҳий ҳолатларини соғломлаштириш, содир этилган қонун бузилиши, унинг келиб чиқиш сабаблари, бунга имкон берган шарт-шароитларни батафсил ўрганиш ва уларнинг олдини олиш юзасидан вазифалар берилди.
Сурхондарё вилояти ИИБ Ахборот хизмати