Ички ишлар вазирлиги раҳбарияти Сурхондарё вилоятида ўрганишлар олиб бормоқда
2025-07-24 18:00:00 / Янгиликлар
Ички ишлар вазири ўринбосари генерал-майор Мирзарахимов Баходир Юлдашевич томонидан Сурхондарё вилоятининг Сариосиё тумани ички ишлар бўлими ходимларининг хизмат фаолияти кўздан кечирилди.
Туман ИИБнинг жамоат тартибини сақлашга масъул ходимлари ва бошқа ҳуқуқни муҳофаза қилувчи орган вакиллари иштирокида йўриқнома ўтказилиб, вазири ўринбосари томонидан шахсий таркибга жиноят ва ҳуқуқбузарликларнинг олдини олиш ҳамда ҳудудда криминоген вазиятни барқарорлаштириш чора-тадбирларини янада кучайтириш лозимлиги, хизматни ўташ вақтида фуқаролар билан хушмуомала муносабатда бўлиш, хизмат интизоми ва қонунчиликка риоя этиш зарурлигини таъкидлади.
Шунингдек, аҳоли хавфсизлигини ишончли таъминлашда аҳамият қаратилиши муҳим бўлган жиҳатлар юзасидан кўрсатмалар берилди.
Шунингдек, вазир ўринбосари томонидан вилоятнинг бевосита туманлар кесимида, ҳудудларида жамоат тартибини сақлаш, ҳуқуқбузарликларнинг барвақт олдини олиш ва жиноятчиликка қарши курашиш соҳасида амалга оширилган ишлар бирма-бир таҳлил қилиниб, ходимлар ўртасида хизмат ва ижро интизоми, қонунчилик талабларига қатъий риоя қилишлари, бўлинмаларнинг жанговар тайёргарлиги ва шайлигини ошириш, спорт машғулотлари билан мунтазам равишда шуғулланиб бориш борасида кўрсатмалар берилди.
Сурхондарё вилояти ИИБ Ахборот хизмати