Ички ишлар вазири генерал-лейтенант Пўлат Бобожонов бошчилигидаги республика ишчи гуруҳ томонидан Сирдарё вилоятининг барча шаҳар ва туманларида ўрганиш ишлари амалга оширилмоқда
2024-03-07 08:00:00 / Янгиликлар
Навбатдаги ўрганишлар Сирдарё вилоятининг Ховос тумани ички ишлар бўлимидан бошланди. Унда бўлимнинг ватанпарварлик бурчаги, навбатчилик қисми, тезкор-тергов гуруҳ таркиби фаолияти билан танишди.
Ички ишлар бўлим бошлиғининг туман миқёсида жиноятчиликка қарши курашиш борасида амалга оширилган ишлари ҳақидаги маърузаси тингланди.
Сўнг тумандаги “Оқчангал” маҳалласига борилиб профилактика инспектори фаолияти, ижтимоий профилактика тартиби бўйича суҳбатлашилди.
Ҳудуд тинчлиги ва осойишталигини таъминлашда бошқа ҳуқуқни муҳофаза қилиш органлари ва маҳалла масъуллари билан ҳамкорликни кучайтириш лозимлиги айтилди.
Шунингдек, “Оқчангал” маҳалла еттилиги масъуллари билан учрашиб, олиб бораётган фаолиятлари билан танишиб, тегишли таклиф ва тавсияларини бериб ўтди.
Транспорт ва туризм объектларида хавфсизликни таъминлаш департаменти Ахборот гуруҳи