Бухоро вилояти ички ишлар органлари шахсий таркиби иштирокида Ички ишлар вазирлиги ишчи гуруҳи томонидан сайёр ўқув йиғинлари ўтказилмоқда
2025-07-22 10:35:00 / Янгиликлар
Ўқув йиғини тақдимоти юзасидан ўтказилган семинарда Ички ишлар вазирлиги ҳамда Академия масъуллари, Ички ишлар бошқармаси бошлиғи ва барча ўринбосарлари, соҳавий хизматлар раҳбарлари ва шахсий таркиб, ҳудудий студиялардан шаҳар ва туманлар ички ишлар органларининг тўлиқ шахсий таркиби иштирок этди.
Дастлаб, ИИВ Академияси маъмурий-ташкилий фаолият факультети бошлиғи сўзга чиқиб, туман-шаҳар ички ишлар органлари бошлиқларининг жиноятчилик ва коррупцияга қарши курашиш, маҳалла жиноятчилигининг барвақт олдини олиш ҳамда энергетик хавфсизлигини таъминлаш фаолиятини ташкил этишга оид билимларини юксалтириш мақсадида ўтказиладиган онлайн ўқув йиғини юзасидан маъруза қилди.
Шундан сўнг, ИИВ Маънавий-маърифий ишлар ва кадрлар билан таъминлаш департаменти, Ташкилий-мувофиқлаштириш бошқармаси бошлиғи Ички ишлар органлари ходимларининг жисмоний ва жанговар тайёргарлиги, махсус воситалар, электрошокер ҳамда жанговар ўқотар қуролдан фойдаланиш ва уларни тўғри қўллаш бўйича ўтказиладиган сайёр ўқув йиғини юзасидан маълумотлар тақдим этди.
Якунда ушбу ўқув йиғинларини тасдиқланган график асосида намунали ўтказиш юзасидан мутасаддиларга тегишли кўрсатма ва топшириқлар берилди.
Бухоро вилояти ИИБ Ахборот хизмати