Сурхондарё вилояти ИИБ бошлиғи томонидан Жарқўрғон туманида жиноят ва ҳуқуқбузарликларни барвақт олдини олиш, маҳаллаларда криминоген вазиятни яхшилаш борасидаги ишлар ўрганилди
2025-07-20 22:55:00 / Янгиликлар
Жорий йилнинг 19 июль куни Сурхондарё вилояти ИИБ бошлиғи полковник Тимур Исмаилов криминоген вазияти оғир бўлган Жарқўрғон туманидаги “Нурли диёр”, “Деҳқонобод” маҳаллаларида жиноят ва ҳуқуқбузарликларнинг барвақт олдини олишга қаратилган чора-тадбирлар ҳамда амалга оширилган ишларни кўздан кечириб, маҳалла еттилиги аъзолари иштирокида учрашув ўтказди.
Учрашув давомида, маҳалла ҳудудида жиноят ва ҳуқуқбузарликлар содир этилишига йўл қўймаслик, маҳаллани хавфсиз ҳудудга айлантириш бўйича амалга оширилаётган ишлар кўздан кечирди.
Шунингдек, жамоат тартибини мустаҳкамлаш, фуқароларнинг хавфсизлигини таъминлаш ва йўл ҳаракати қоидаларига риоя этилиши масалаларига алоҳида урғу берилди. Бошқарма бошлиғи ушбу йўналишларда олиб борилаётган чора-тадбирларни янада кучайтириш зарурлигини уқтирди.
Шунингдек, Президентимизнинг 2025-йил 3-январдаги ПҚ-1-сонли қарори ижроси, жиноят ва ҳуқуқбузарликларни барвақт олдини олиш, ижтимоий профилактика ҳамда маҳалла еттилиги ҳамкорлигида амалга оширилаётган ишлар ҳам ўрганилиб, бу борада йўл қўйилган камчиликларни бартараф этиш юзасидан тегишли тавсиялар бериб ўтди.
Учрашув якунида, бошқарма бошлиғи томонидан маҳаллаларда фуқаролар хавфсиз яшашлари учун барча чора-тадбирларни амалга ошириш лозимлиги айтилиб, маҳалла ҳудудини хавфсиз масканга айлантириш бўйича масъулларга тегишли топшириқ ва кўрсатмалар берилди.
Сурхондарё вилояти ИИБ Ахборот хизмати