Қорақалпоғистон Республикаси ИИВ раҳбарияти томонидан Амударё туманида ҳайдовчилар иштирокида муҳокама йиғилиши ўтказилди
2025-07-19 12:05:00 / Янгиликлар
Шу йилнинг 17 июль куни Қорақалпоғистон Республикаси Ички ишлар вазири полковник Бахтиёр Торебеков иштирокида Амударё тумани Ҳокимлиги мажлислар залида Амударё туманида қўпол қоидабузарликлар ҳамда 5 ва ундан кўп қоидабузарлик содир этган ҳайдовчилар билан учрашди.
Учрашув давомида республикамиз ҳудудида оғир оқибатли йўл-транспорт ҳодисаларининг келиб чиқиш сабаблари муҳокама қилиниб, юз берган йўл-транспорт ҳодисалари оқибатида бир неча фуқароларнинг ҳаёти ўлим билан якунланганлиги, фарзандлари етим қолиб кетганлиги ачинарли ҳолат эканлигини таъкидлади.
Шунингдек, республикамиз ҳудудида оғир йўл-транспорт ҳодисаларининг барвақт олдини олиш, қўпол қоидабузарлик содир этган ҳайдовчиларга қонун доирасида чора кўриш бўйича масъул ходимларга топшириқлар берилди.
Қорақалпоғистон Республикаси ИИВ Ахборот хизмати