Жиззах вилояти Ички ишлар бошқармасида жорий йилнинг ўтган олти ойида амалга оширилган ишлар муҳокамасига бағишланган йиғилиш ўтказилди
2025-07-17 10:35:00 / Янгиликлар
Жиззах вилояти Ички ишлар бошқармасида жорий йилнинг ўтган олти ойида жиноят ва ҳуқуқбузарликларнинг барвақт олдини олиш, жиноятчиликка қарши курашиш, жамоат хавфсизлигини таъминлаш борасида амалга оширилган ишлар муҳокамасига бағишланган йиғилиш ўтказилди.
Йиғилишда Ички ишлар вазирининг ўринбосари, генерал майор Баҳодир Мирзараҳимов, Жиззах вилояти ички ишлар бошқармаси бошлиғи, генерал майор Ғайрат Қодировлар иштирок этди.
Видеоселекторда ҳудудда криминоген вазиятни барқарорлаштириш, жиноятчиликни жиловлаш, ҳуқуқбузарликларга қарши курашиш, жамоат тартибини сақлаш, йўл-ҳаракати хавфсизлигини таъминлаш борасида амалга оширилган ишлар хусусида маълумотлар берилди. Ўз навбатида эришилган натижалар билан бир қаторда йўл қўйилган камчиликларга тўхталди.
Муҳокамада жиноятчиликнинг айрим турлари ошган ҳудудларда ташкилий, тезкор ҳамда профилактик тадбирлар олиб бориш лозимлиги қайд этилди. Шу маънода масъулларга жамоат тартибини сақлаш, фуқаролар хавфсизлигини таъминлаш, жиноятчиликни жиловлаш бўйича кўрсатмалар берилиб, галдаги муҳим вазифалар белгиланди.
Шунингдек, йиғилишда соҳа ходимлари ўртасида хизмат интизоми ва қонунийликни таъминлаш, коррупцион ҳолатлар, айниқса, тамагирликка йўл қўйилишининг олдини олиш бўйича тавсиялар берилиб, зарур талаблар етказилди.
Жиззах вилояти ИИБ Ахборот хизмати