Наманган вилояти ИИБ раҳбарияти томонидан Мингбулоқ туманида ўрганиш ишлари олиб борилди
2025-07-16 13:40:00 / Янгиликлар
Бошқарма ишчи гуруҳи томонидан тумандаги жиноятчилик ва ҳуқуқбузарликларнинг олдини олиш аҳволи, маҳаллаларда хавфсиз муҳитни яратиш, жамоат ва йўл ҳаракати хавфсизлигини таъминлаш, ижрочилик ҳамда хизмат интизомига амал қилиниши аҳволи атрофлича ўрганилди.
Дастлаб, ишчи гуруҳ тумандаги «қизил» тоифада бўлган «Бирлашган» ва «Қайроғочовул» маҳаллаларида бўлиб, унда маҳалла еттилиги фаолияти ҳамда содир этилган жиноятларнинг келиб чиқиш сабаблари чуқур таҳлил этилди. Ўрганишлар давомида аниқланган камчиликларни бартараф этиш юзасидан масъул раҳбарга аниқ топшириқлар берилди.
Шунингдек, ўрганиш ишлари туман ИИБда давом этиб, биноларида ходимлар ҳамда фуқароларга яратилган шарт-шароитлар, техник таъминот ва кўрилган хавфсизлик чора-тадбирлари билан танишилди. Жиноятчилик ва ҳуқуқбузарликларнинг олдини олиш борасида амалга оширилган ишлар бўлим раҳбарияти ҳамда туман прокуратураси иштирокида муҳокама қилинди.
Ўрганишлар давомида маҳаллаларда хавфсиз муҳитни шакллантиришда рақамли технологиялар имкониятларидан самарали фойдаланиш ва аҳоли билан олиб борилаётган манзилли ишларни жадаллаштириш ҳамда келгусида «қизил» тоифадаги маҳаллаларни босқичма-босқич «яшил» тоифага ўтказиш бўйича масъул раҳбарлар зиммасига тегишли вазифалар юклатилди.
Наманган вилояти ИИБ Ахборот хизмати