Ички ишлар вазирлиги раҳбарияти Бухоро вилоятидаги криминоген вазияти оғир “қизил” тоифада бўлган маҳаллаларда ўрганиш ишларини олиб борди
2025-07-16 09:15:00 / Янгиликлар
Бухоро вилоятида хизмат сафарида бўлиб турган Ички ишлар вазири ўринбосари, вилоят Ички ишлар бошқармаси раҳбарияти ва бошқа мутасаддилари иштирокида қизил тоифадаги Бухоро шаҳрининг Садриддин Айний ва Аҳмад Дониш, шунингдек, Ғиждувон туманидаги Памуза маҳаллаларда ўрганиш ишларини олиб борди.
Жорий йилнинг 8 июль куни давлатимиз раҳбари ҳузурида ўтказилган маҳаллаларда жиноятчиликни жиловлаш ва қонун устуворлигини таъминлаш чора-тадбирларига оид тақдимотда берилган топшириқлар ижросини таъминлаш мақсадида Ички ишлар вазирининг ўринбосари ўзи масъул этиб бириктирилган Бухоро вилоятининг ҳудудларида, айниқса криминоген вазияти оғир қизил тоифадаги маҳаллаларида ўрганиш ишларини олиб борди.
Ўрганишлар давомида ушбу маҳаллар жиноятчилиги еттилик вакиллари ва бошқа масъуллар иштирокида танқидий таҳлил қилинди ҳамда вояга етмаганлар, ёшлар, аёллар ва оила-турмуш муносабатлари доирасидаги жиноятларни жиловлаш, кибержиноятларнинг олдини олиш, аҳоли ўртасида профилактик-тарғибот тадбирларини кучайтириш юзасидан аниқ топшириқлар берилди.
Бухоро вилояти ИИБ Ахборот хизмати