Вазирлик ишчи гуруҳи томонидан Навоий вилояти ИИБ ходимлари иштирокида махсус ўқув машғулотлари ташкил этилди
2025-07-15 09:00:00 / Янгиликлар
Ички ишлар вазирлигининг режа-топшириғига асосан Навоий вилояти ИИБ ходимлари учун “Жанговар қуроллар, махсус воситаларнинг тактик-техник хусусиятлари, уларни хизмат вақтида қўллаш тартиби ҳамда ҳуқуқий асослари“ бўйича ўқув машғулотлари ўтказилмоқда.
Ўқув машғулотининг дастлабки кунида Бошқарма аппарати ҳамда вилоят ИИБ ЖХХ ЙҲХБ ходимлари иштирок этдилар.
Ўқув машғулоти давомида АКС-74 автомати, қуролни тўлиқсиз қисимларга ажратиш ва йиғиш, ундан фойдаланиш, хавфсизлик қоидаларига риоя этиш, махсус воситалар, электрошок қурилмасини қўллаш тартиби ҳамда ҳуқуқий асослари юзасидан муҳим эслатма ва кўрсатмалар берилди.
Жараёнида ходимларнинг назарий билимлари ҳам баҳолаб борилди.
Ўқув машғулотлари вилоятнинг барча ҳудудларида ўтказилиши режалаштирилган.
Навоий вилояти ИИБ Ахборот хизмати