Андижон вилояти ИИБ раҳбарияти томонидан сайёр қабуллар ташкил этилмоқда
2025-07-11 11:10:00 / Янгиликлар
Андижон вилояти ИИБ раҳбарияти томонидан вилоятдаги ижтимоий-иқтисодий «оғир» тоифадаги маҳаллаларига бевосита жойига чиққан ҳолда аҳоли вакиллари учун сайёр қабуллар ташкил этилмоқда.
Навбатдаги қабул Андижон туманидаги Экин-тикин ва Иттифоқ маҳаллаларининг фуқаролари учун ўтказилди.
Очиқ мулоқот тарзида ўтган мазкур сайёр қабулда Андижон вилояти ИИБ бошлиғи полковник Санжар Джабаров томонидан аҳолининг турли ижтимоий ва ҳуқуқий масалалардаги мурожаатлари тингланди.
Қабул давомида ҳар бир мурожаат ўрганилиб, уларни ҳал этиш юзасидан мутасадди ходимларга аниқ топшириқлар берилди.
Айрим масалалар жойида ҳал этилиб, бошқалари бўйича ҳуқуқий тушунтиришлар берилди ва назоратга олинди.
Бу каби сайёр қабуллар бошқа шаҳар-туманларнинг ижтимоий-иқтисодий «оғир» тоифадаги маҳаллаларида ҳам ўтказилиши режалаштирилган.
Андижон вилояти ИИБ Ахборот хизмати