Андижон вилояти ички ишлар органларининг ёш ходимлари ўртасида “Заковат” интеллектуал ўйини ўтказилди
2024-03-01 09:00:00 / Янгиликлар
Ўзбекистон Республикаси Президентининг 2020 йил 30 октябрдаги“Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги 6099-сонли Фармони талаблари, шунингдек, Андижон вилояти ички ишлар органларида хизмат қилаётган ёш ходимларнинг интеллектуал ва профессионал билим даражасини, маънавий-ахлоқий савиясини мунтазам равишда ошириб бориш ҳамда соғлом турмуш-тарзини тарғиб қилиш мақсадида ёш ходимлар ўртасида “Заковат” интеллектуал ўйини ўтказилди.
Ушбу ўтказилган интеллектуал ўйин қизиқарли ва баҳс-мунозараларга бой бўлди. Қизиқарли ва муросасиз ўтган ўйин натижасига кўра, Пахтаобод тумани ИИБ жамоаси 3-ўринни, Асака тумани ИИБ жамоаси 2-ўринни ҳамда Балиқчи тумани ИИБ жамоаси эса фахрли 1-ўринни эгаллади.
Ғолиб ва совриндор бўлган жамоалар вилоят ички ишлар бошқармаси раҳбарияти томонидан диплом ва пул мукофотлари билан тақдирландилар.
Ёш ходимларнинг интеллектуал ва профессионал билим даражаси ҳамда маънавий-ахлоқий савиясини ошириш борасидаги тадбирлар давом эттирилмоқда.
Андижон вилояти ИИБ Ахборот хизмати