Сурхондарё вилояти ИИБ раҳбарияти Президент қарори ижроси юзасидан Денов туманида танқидий муҳокама йиғилиши ўтказди
2025-07-06 09:00:00 / Янгиликлар
Денов туманида Сурхондарё вилояти ИИБ бошлиғи раҳбарилигида Президентимизнинг жорий йил 3 январь кунидаги ПҚ-1-сонли Қарори ижроси, тумандаги криминоген вазият танқидий муҳокама қилинди.
Денов туман ҳокимлиги биносида Президентимизнинг 2025 йил 3 январь кунидаги ПҚ-1-сонли Қарори ижроси доирасида олиб борилаётган чора-тадбирлар, тумандаги криминоген вазият, содир этилган оғир ва ўта оғир жиноятлар муҳокамасига бағишланган танқидий руҳдаги йиғилиш бўлиб ўтди.
Вилоят ИИБ бошлиғи полковник Тимур Исмаилов ҳузурида ўтказилган муҳокама йиғилишида, туман ҳокими, прокурори, маҳалла еттилиги ва фаоллари, нуронийлар ҳамда бошқа мутасадди ташкилотлар, кенг жамоатчилик вакиллари иштирок этишди.
Йиғилишда, масъуллар томонидан жиноят ва ҳуқуқбузарликларни барвақт олдини олиш бўйича олиб борилган ишлари танқидий муҳокама қилиниб келгусида амалга оширилиши лозим бўлган чора-тадбирлар белгилаб олинди.
Сурхондарё вилояти ИИБ Ахборот хизмати